Fyrirtækið

Brúnás innréttingar

Brúnás–innréttingar eru framleiddar í innréttingaverksmiðju Miðáss ehf. á Egilsstöðum, en þar eru einnig aðalskrifstofur fyrirtækisins. Framleiðslan er byggð á grunni Haga innréttinga sem rekja má til ársins 1962.

Brúnás-innréttingar eru seldar og sendar um land allt en sýningarsalirnir okkar eru í Reykjavík og á Egilsstöðum þar sem framleiðslan fer fram. Þar gefur að líta fjölbreytt sýnishorn lausna og innréttinga fyrir eldhús og baðherbergi auk skápa fyrir margskonar rými. Hönnuðir okkar og ráðgjafar með áralanga reynslu, aðstoða þig og teiknar upp innréttingar, velur efni og útlit eftir þínum óskum og þörfum, og gerir svo tilboð í smíði innréttinganna.

Miðás er í hópi stærstu innréttingaframleiðenda landsins. Þar starfa rúmlega 20 manns, margir hafa langa starfsreynslu og mikil þekking býr á meðal starfsfólks. Auk þess vinna náið með fyrirtækinu hönnuðir og verktakar við uppsetningu innréttinga. Áratuga reynsla og farsæll rekstur hafa því leitt af sér vandaða og trausta vöru, um leið og þess er gætt að stöðug þróun eigi sér stað í hönnun og framleiðslu.

Persónuleg þjónusta

Persónuleg þjónusta og vönduð ráðgjöf auðvelda rétt val og auka öryggi þegar innrétting er valin. Ráðgjafar Brúnás-innréttinga aðstoða viðskiptavini í nýtt, smekklega hannað vinnurými. Sami ráðgjafi fylgir viðskiptavinum í gegnum allt ferlið því talsverður tími getur liðið frá því hugmynd kviknar þar til hönnun er lokið. Fjölda möguleika í hugmyndum og útfærslu má ýmist skoða með þrívíðum tölvumyndum eða í vel útbúnum sýningarsölum.

Fjölskylduvænn vinnustaður

Miðás er fjölskylduvænn vinnustaður þar sem vinnutíma er hagað þannig að starfsmenn geti átt rúman tíma með fjölskyldunni að loknum vinnudegi. Fjölskylduferðir eru farnar með reglulegu millibili og starfsmenn hittast jafnan utan vinnutíma. Metnaður er lagður í að starfsmenn finni að þeir séu fyrirtækinu mikilvægir og störf þeirra séu metin að verðleikum. Þetta skapar samheldni sem eykur skilvirkni og öryggi í framleiðslu Brúnás-innréttinga.

Teymið okkar