Sjónvarpið er oftar en ekki orðið miðdepill nútímaheimila og hefur víða jafnvel tekið við af eldhúsinu. Þar er daglegur samverustaður fjölskyldunnar og miðstöð upplýsinga og dægrastyttingar á heimilinu. Þá er mikilvægt að fari saman notagildi og fegurð og að innréttingin falli vel að umhverfi heimilisins. Brúnás býður upp á fjölda skemmtilegra og hugvitsamra lausna fyrir stofuna og sjónvarpið.
Á myndunum hér fyrir ofan gefur að lýta sýnishorn af tölvugerðum teikningum sem við höfum gert fyrir viðskipavini okkar undanfarin misseri. Vonandi gefa þær þér góða hugmynd um hvernig við getum orðið þér að liði.
Trésmíðaverkstæði Miðáss á Egilsstöðum, þar sem við smíðum Brúnás innréttingarnar er hátæknivinnustaður og einn sá best búni á landinu.
Allar Brúnás innréttingar eru íslensk hönnun og framleiddar hér á landi. Fagfólk okkar fylgir þér alla leið í hönnunarferlinu frá hugmynd að fullbúinni innréttingu.
Við hönnum og teiknum innréttinguna fyrir þig. Þar með gerum við þér kleift að skoða mynd í þrívídd af innréttingunni og grandskoða allt, áður en þú ákveður þig!
